妹仔我近排無事忙，加上屋企啲電器大部份都用咗十幾廿年，當中仲有幾件係用咗廿多年添，依家開始陸續有問題，所以要搵定啲資料以防件電器萬一死火時唔會急住買以買錯嘢。

哩幾個月都好少同班大帝影相，拍片就完全無添，我都覺得自己真係懶到出汁。

嗱，畀啲近兩個月影嘅相妳哋睇吓啦，留意啲相....有分別架

仔仔同 peter 依終都喺咁鐘意捐紙盒

班大帝放玩時都有玩具畀佢地玩

上星期妹妹畀啲聲嚇到亂飛，唔小心整斷咗條飛行羽

雖然即時幫佢止血，但都係流咗唔少血囉

佢每次受傷都只係休息一陣就若無其事，你地睇吓...

已經有一段時間無寫 blog，近排諗住 update 吓班大帝嘅近況啦，竟然多日都出現問題。

寫好晒一大篇文章，準備加入相片時問題就嚟喇，加唔到圖片不特止，仲要成篇文章都無埋，一次係咁、兩次係咁、仲要多次係咁，真係火都嚟。

寄咗 email 畀 sinablog ，通知咗佢地有乜問題，但至今多日都無回覆過， 都唔知佢地做乜？

問題未解決，班大帝都無得見 blog 喇，唯有等吓啦! 

仔仔同 peter 依家做咗一對好好嘅朋友，經常出雙入對 (唔係搞基)，有時佢地見唔到對方就會即時呼喚，直至對方回應為止。

peter 經常飛咗上氣窗，但係無膽飛番落嚟，仔仔每次都會喺下面大叫為佢打氣，偶然都會令 peter 鼓起勇氣飛番落嚟嘅，但多數都係要我帶佢番落嚟囉。

你地見到 peter 著住斗蓬個樣係點，又睇過佢食嘢，但係就無見過佢著住斗蓬梳毛喎，嗱...畀你地見吓啦

peter 自從抆自己啲毛至今都有成半年，最嚴重嗰陣佢全身有4成嘅毛抆咗，重災區係翼底嘅兩邊身，真係見都心痛。

3月份做咗斗蓬畀佢著，問題無再惡化，亦開始有好轉添。

10 日前佢翼底兩邊身嘅毛已生番九成，佢抆毛嘅次數亦減少咗好多，全日只係偶爾抆一兩條絨毛。

peter 經過上年孚蛋時無得除便玩、無得自在食之後，佢食嘢都會發出一啲聲，最初嗰幾個月只係間唔中叫吓，後來次數就越嚟越多，依家就係每次食嘢都會叫。

我都知自己越嚟越懶，有時連幫班大帝影相都懶，唔知係咪因為天熱而唔想郁呢？

早幾日終於肯郁吓，幫大帝影咗幾張相，但依然無 up 上 blog。

今日又影咗拾幾張相添，終於 "嫡" 起心肝 up 吓個 blog 喇。

好耐無 update，一班大帝正處換毛期，每日都攪到一地都係羽毛。

peter 原本抆咗嘅毛已生番七、八成，依家佢換毛，令到無毛嘅位置上番三成，即係無乜多或少咗。